གནས་དེ་ཉིད་སྐུ་གསུམ་ལྷུན་གྱིས་གྲུབ་པའི་རྟགས་སུ་ཟུར་གསུམ་དང་ལྡན་པ། རྒྱང་ནས་བལྟས་ན་རྒྱལ་མཚན་འཛུགས་པ་དང་འདྲ་བ་ཆོས་སྐུའི་ལྷ་ཚོགས་རྣམས་བཞུགས་པའི་གནས་དང་། ཕྱོགས་བཞིར་ལུང་པ་བཞི་ལ་རྒྱུད་སྡེ་བཞིའི་ལྷ་ཚོགས་ཀྱི་བཀོད་པ་རབ་ཏུ་བཀྲ་བས་ངོ་མཚར་ཁྱད་དུ་འཕགས་པའི་ཞིང་།

​

དེའི་ལྷོ་ཕྱོགས་ཁྲུས་འཐུང་མྱོང་བས་ལས་སྒྲིབ་ཞི་ནུས་པའི་ཀུན་བཟང་བླ་མཚོ་དང་།

​

བྱང་ཤར་དུ་ཨེ་ཀ་ཛ་ཊིའི་བླ་མཚོ་དམར་ནག་རཀྟ་མེ་འོད་ཀྱི་མདོག་ཅན་དམོད་པ་ཕྲིན་ལས་ཀྱི་ལས་གང་བཅོལ་ཐོགས་མེད་དུ་འགྲུབ་པ༑

 

ཤར་ཕྱོགས་སུ་ཏིང་འཛིན་ཉམས་རྟོགས་ཤུགས་ཀྱིས་འཕེལ་བ་ཀུན་བཟང་ཧེ་རུ་ཀ་ཡི་སྒྲུབ་ཕུག་བདེ་ཆེན་ཀློང་ཡངས་ཞེས་པ་དང་། གཞན་ཡང་བྱིན་རླབས་ལྡན་པའི་སྒྲུབ་ཕུག་གྲངས་ལས་འདས་ཤིང་། དེ་རྣམས་སུ་སློབ་དཔོན་ཆེན་པོའི་དམ་རྫས་དང་རིན་ཆེན་གཏེར་གྱིས་བཀང་བ། གནས་མཇླ་ཙམ་གྱིས་བསྐལ་བ་སྟོང་གི་སྒྲིབ་པ་འདག་ཚུལ་སློབ་དཔོན་ཆེན་པོས་གསུངས།

​

དེའི་ནུབ་ཕྱོགས་སུ་རི་བོ་ཏཱ་ལ་ཞེས་རྫ་དང་སྤངས་དང་གངས་ཀྱིས་བརྒྱན་པའི་རི་བོ་ལྷུན་ཆགས་ལྟ་ན་སྡུག་པ་དཔའ་བོའི་ཁྲབ་རྨོག་གྱོན་པ་དང་འདྲ་བ། གནས་དེར་བྱང་ཆུབ་སེམས་དཔའ་སྤྱན་རས་གཟིགས་དབང་གིས་ཐུགས་བསྐྱེད་སྨོན་ལམ་ལས་འཁྲུངས་པ་འཇིགས་པ་བརྒྱད་དང་བཅུ་དྲུག་རྣམས་ཞི་བའི་ཁྲུས་ཆག་སྔོ་ལ་དྭངས་པ་ཡན་ལག་བརྒྱད་ལྡན་གཡས་ཕྱོགས་ཡང་གསང་ལུང་པའི་བརྒྱུད་ནས་འབབ། གཡོན་ཕྱོགས་[211]དར་བིང་ཕྱོགས་ནས་ཁྲུས་ཆབ་དཀར་པོ་ཁྲུས་འཐུང་མྱོང་བས་ཚེ་དཔལ་གཟི་བྱིན་བསྐྱེད་ནུས་པ་དང་།

​

གཞན་ཡང་ཤར་སྣ་ཚོགས་རྡོ་རྗེ་དཔལ་བཻའུའིགླིང་དུ་རྡོ་རྗེ་རིགས་ཀྱི་ལྷ་ཚོགས། ལྷོ་རིན་ཆེན་དགའ་འཁྱིལ་གླིང་དུ་རིན་ཆེནན་རིགས་ཀྱི་ལྷ་ཚོགས༑ ནུབ་ཌཱཀྐི་བདེ་ཆེན་གླིང་དུ་པདྨ་རིགས་ཀྱི་ལྷ་ཚོགས། བྱང་གནོད་སྦྱིན་དྲག་སྔགས་རབ་ཁྲོས་གླིང་དུ་དྲག་པོ་མཐུ་ལྡན་གྱི་ལྷ་ཚོགས་རྣམས་ཏིལ་གོང་ཁ་ཕྱེ་བ་ལྟར་བཞུགས་སོ།

​

གཞན་ཝང་ཤར་ཕྱོགས་སུ་རྡོར་སེམས་བླ་མཚོ་ཞི་བྱེད་རྡོ་རྗེ་ཕུག་ཏུ་སློབ་དཔོན་ཆེན་པོས་བཟོ་རིགས་ཀྱི་གཏེར་ཁ་གྲངས་མེད་པ་དང་། ལྷོ་ཕྱོགས་བཀའ་བརྒྱད་བླ་མཚོ་ཀུན་འདུས། རིན་ཆེན་ཕུག་ཏུ་གསེར་དངུལ་སོགས་དགོས་འདོད་ཀུན་འབྱུང་ནོར་བུའི་གཏེར་ཁ་གྲངས་མེད་པ་དང་། ནུབ་ཕྱོགས་པདྨ་དབང་སྡུད་བདེ་བ་མཚོར་ཚེ་སྒྲུབས་སོགས་དབང་སྡུད་ཀྱི་གཏེར་ཁ་གྲངས་མེད་དང་། བྱང་ཕྱོགས་དྲག་པོ་སྒྲུབ་ཕུག་དྲག་རྩལ་མཐུ་སྟོབས་གླིང་དུ་དྲག་པོའི་ལས་ཚོགས་མ་ལུས་པའི་གཏེར་ཁ་རྣམས་སྦས་ནས་ཡོད་པར་གསུངས།

​

ཡང་གསང་གནས་ཡིག་མ་རིག་མུན་སེལ་ལས།

​

དབུ་རྩེ་སྤྱན་གཟིགས་རྒྱལ་བ་རྒྱ་མཚོ་དང་༔ རྩ་བརྒྱུད་བླ་མ་སངས་རྒྱས་བྱང་སེམས་ཚོགས༔

ནམ་མཁའི་སྤྲིན་ཚོགས་གཏིབས་པ་ཇི་བཞིན་བཞུགས༔ རི་བོའི་སྐེད་པར་ཡི་དམ་རྒྱུད་སྡེའི་ལྷ༔ [212]

ཁ་བ་བུ་ཡུག་འཚུབས་པ་ཇི་བཞིན་དུ༔ མཐའ་བསྐོར་རྣམས་ལ་དཔའ་བོ་མཁའ་འགྲོ་དང་ཿ

ཆོས་སྲུང་ལས་བྱེད་སྐར་ལྟར་འཁྲུགས་བཞིན་བཞུགསཿ དངོས་སུ་བལྟས་ན་མིག་གིས་མི་མཐོང་བར༔

རང་བཞིན་ཐུགས་རྗེའི་ངར་སྐད་ཀྱུ་རུ་རུ༔ གཡོ་བའི་ཆུ་ཀླུང་བདུད་རྩི་འོད་ལྔ་འབར༔

ལུང་ཕུ་རྣམས་ལ་ཀུན་བཟང་ཟིལ་པ་གཡོ༔ ཀླུ་བདུད་རྡོ་རྗེ་ངེས་པར་སྐྱེ་བའི་ས༔

ཤིང་དང་ནགས་ཚལ་འཇའ་འོད་གུར་ཁྱིམ་ཕུབ༔ བྱ་རིགས་ཐམས་ཅད་གསུང་སྙན་ཆོས་སྒྲ་སྒྲོགསཿ ཞེས་དང་།

​

གནས་དེའི་ས་ཆུ་ཁ་ལ་ཐེབས་པས་ཀྱང་༔ ལས་ངན་སྒྲིབས་དག་བྱང་ཆུབ་ས་བོན་ཐོབ༔

གནས་དེ་ལ་འདུན་སྣ་ཁྲིད་ལམ་སྟོན་རྣམསཿ པད་འབྱུང་ང་ཡི་ཕོ་ཉ་ཡིན་པར་ངེས༔

ལམ་འཕྲང་ས་གནས་བཅོས་དང་གཙུག་ལག་ཁང་༔ གང་གིས་བཞེངས་སྐྲུན་བྱེད་པའི་མི་རྣམས་ནི༔

ཕོ་མོ་བཟང་ངན་མེད་པ་སངས་རྒྱས་ཀྱི༔ སྤྲུལ་པ་ཡིན་པར་པད་འབྱུང་ཐ་ཚིག་གོ

རྩེ་སྐོར་རི་ལ་ཨ་མི་དྷེ་ཝ་དུང་༔ བར་སྐོར་རེ་ལ་མ་ཎི་དུང་ཕྱུར་བརྒྱ༔

མཐའ་སྐོར་རེ་ལ་བཛྲ་གུ་རུ་ནིཿ གོང་གི་དེ་གཉིས་བརྒྱ་ཡི་ཆར་མི་ཕོད༔

འོད་སྣང་སྤྱན་གཟིགས་པདྨ་འབྱུང་གནས་ཀྱི༔ ཐུགས་[213]ཀྱི་གནས་མཆོག་རི་བོ་ཏཱ་ལ་ནི༔

གསང་བ་ཡང་གསང་བླ་མེད་གནས་གཅིག་ཡིན༔ དད་སྨོན་གསོལ་བ་ཐོབ་དང་རིགས་ཀྱི་བུ༔

བསླུ་བ་མེད་དོ་སྐལ་ལྡན་སྙིང་ལ་སོམས༔ གནས་བདག་སྲུང་མ་བཀའ་གཉན་འཁུ་ལྡོག་ཆེ༔

ལོག་ལྟ་ཅན་ལ་བར་ཆད་འཕྲལ་དུ་འཇུག༔ བདེ་བ་སྡུག་བསྔལ་གདམས་ཁ་མ་ནོར་ཅིག༔

བསླུ་བ་མེད་དོ་པད་འབྱུང་ཐ་ཚིག་གོ